Social Compass

In die volume van Social Compass, wat in sy geheel oor verskeie aspekte van godsdiensbeoefening in Suid-Afrika handel, verskyn die bydraes van sewe outeurs. Kellerman gee in die eerste artikel, “Religious Affiliation in South Africa”, 'n oorsig van die godsdienssamestelling, rasse-, kulturele en sosio-ekonomiese eienskappe van die Suid-Afrikaanse bevolking. Teen die agtergrond hiervan toon hy aan dat godsdiensaffiliasie in Suid-Aftika hoofsaaklik saamhang met ras-, taal- en kulturele verskille wat verder geaksentueer word deur sosio-ekonomiese faktore wat met die verskille saamhang. Die skrywer toon aan dat sosio-ekonomiese statusverskille nog nie basiese taal-, ras en tradisieverskille transendeer nie, maar hy is tog van mening dat sekere sosio-politieke tendense, byvoorbeeld in die geval van die Afrikaner, 'n moontlike vervreemding tussen die middel- en laerklasse kan meebring wat sig o.a. in 'n toename van die aantal lidmate van die Apostoliese geloofsending uit die laer sosio-ekonomiese kategoriee ten koste van die drie Afrikaanse susterkerke sallaat geld. Dit is met prikkelende opmerkings soos die dat Kellerman sy insig in die sosiologie van godsdiensbeoefening in Said-Afrika openbaar en belangrike vraagstukke vir verdere ondersoek suggereer

Theology · Philosophy · Religion, Society, and Development