Лоринг Денфорт и Рики ван Босхотен, „Децата од Граѓанската војна во Грција. Бегалците и политиката на сеќавањето“, ИОМ, Скопје 2012

3)(049.3) 323.273(495)"1945/49"(093.3)(049.3)Лоринг Денфорт и Рики ван Босхотен, "Децата од Граѓанската војна во Грција.Бегалците и политиката на сеќавањето", ИОМ, Скопје 2012 Книгата на Лоринг Денфорт и Рики ван Босхотен, "Децата од Граѓанската војна во Грција.Бегалците и политиката на сеќавањето", ИОМ, Скопје, е објавена на македонски јазик на почетокот на 2012 година.На англиски јазик оваа книга е објавена под наслов "Children of the Greek Civil War: Refugees and the Politics of Memory" како издание на престижната издавачка куќа на Универзитетот во Чикаго (University of Chicago Press), во 2011 година.На големо задоволство, може да се забележи дека ова е една од ретките антрополошки студии објавени во странство што за толку краток период стана достапна и за македонската јавност.Причините за ова, најверојатно се, како што авторите на повеќепати истакнуваат и во студијата, во актуелноста и сè уште колективната национална чувствителност што постои кон прашањето за толкувањата на Граѓанската војна во Грција, посебно за последиците што таа ги предизвикала во животите на стотици илјади поединци, повеќе десетици илјади семејства, во државните политики на земјите во регионот, и најпосле во општественото и политичкото милје во земјите на југоисточна Европа каде што престојувале најголем број од децата бегалци.Во академските кругови на антропологијата и кај познавачите на општествените прилики на Балканот во САД оваа книга предизвика големи симпатии и високи оценки.Проф.Мајкл Херцфелд, искажувајќи се за неа, запишал: "Историски и етнографски, оваа книга раскажува двојна приказна: од двајца автори, кои пишуваат за две спротивставени страни, и ги истражуваат промените што се случувале во две држави и со две етнички групи... Книгата Децата на грчката граѓанска војна успева прекрасно да ги прикаже паралелите помеѓу искуствата на двете страни, на начин што е трогателен, но и аналитички издржан.Сепак најсилната страна на книгата... лежи во теоретизацијата на капацитетот на децата да го организираат својот сегашен живот и да го разберат сопственото минато".Проф.Марија Тодорова, во стручното мислење за книгата, изјавила: "Успешно комбинирајќи ги архивските ресурси со обемна етнографска теренска работа, книгата Децата на грчката граѓанска војна е првокласен академски труд, заснован врз оригинално истражување и софистицирана теориска анализа, која често е емотивна, со оглед на тоа што се движи од историска проза до длабоко трогателни лични кажувања.Со оглед на чувствителноста на темата на книгата -неистражувана но многу значајна епизода -таа е и храбра и издржана.Изгледа дека е созреано времето за да се започне процес на помирување, а делото на Денфорд и Ван Босхотен ќе ни помогне да се движиме по тој тежок пат"

Balkan and Eastern European Studies · Balkans: History, Politics, Society · Diverse Musicological Studies · Environmental Science