Presumíbel galego extenso de Gregorio de Lobariñas Feijjó

Gregorio de Lobariñas Feijó (ca. 1577 – ca. 1637) foi un clérigo que escribiu en galego unha Historia de Galicia que recibiu a preceptiva licenza de publicación en 1626 mais nunca chegou á imprenta e acabou perdéndose. Recentemente foi tamén identificado como o autor da copia manipulada e lingüisticamente modernizada da Crónica de Santa María de Iria (séc. XV) que está depositada na Biblioteca Apostólica Vaticana (Barb. Lat. 3578). Neste artigo mostro que existen indicios consistentes que permiten afirmar que o reino de Galicia cuxa historia relataba Lobariñas na primeira destas dúas obras era o reino altomedieval anterior á independencia portuguesa (1139), que abranguía o norte de Portugal. Mostro tamén que se pode presumir que Lobariñas pensaba que en todo este territorio ibérico noroccidental se falaba unha mesma lingua, un galego extenso

Humanities · Archaeological and Historical Studies · Medieval Architecture and Archaeology · Medieval Iberian Studies · Philosophy