Flore Zéphir nan entèvyou ak Michel DeGraff ansanm ak Jacques Pierre

Flore Zéphir nan entèvyou ak Michel DeGraff. Pami pwen prensipal ke n te diskite nan konvèzasyon sa a, gen yon seri kesyon ki te enterese Flore pandan tout lavi pwofesyonèl li kòm lengwis: kesyon sou wòl lang ak idantite nan devlòpman ak byennèt nasyon nouȔni nan nivo kolektif popilasyon an, ni nan lavi chak grenn konpatriyòt nou yo, kit y ap viv nan peyi a, kit y ap viv lòt bò dlo. Flore t ap mennen menm konba ak gran kolèg mwen Pwof. Yves Dejean (Papa Iv) ki vin mouri an mas 2018, 3 mwa apre lanmò Flore. Papa Iv ak Flore te envesti anpil enèji nan goumen kont sistèm "lekòl tèt an ba" sa a ki se youn nan rezon prensipal ki fè peyi d Ayiti tèt an ba. Menm jan ak Yves Dejean, menm jan ak Jacques Pierre, menm jan ak mwen tou, e menm jan ak yon bann lòt konpatriyòt k ap reflechi san rete sou gwo pwoblèm sa a, Flore te rete kwè se lang kreyòl la ki pou sèvi kòm fondasyon pou lekòl tèt an wo ann Ayiti. Men, pifò nan rechèch syantifik Flore te konsène kominote ayisyen oz Etazini—espesyalman wòl lang kreyòl la nan kesyon idantite (oswa « ayisyanite ») kominote sa yo. Travay Flore sou tematik sa a gen yon enpòtans total kapital nan rechèch sosyo-lengwistik so. Mwen pèsonèlman toujou rekòmande piblikasyon Flore yo bay k ap fè rechèch sou dyaspora ayisyen, sou idantite yo, sou jan yo vin entegre ak divès kominote nan nouvo zòn kote yo vin emigre. Nan fè rechèch sou wòl lang kreyòl la nan kominote ayisyen sa yo k ap viv lòt bò dlo, Flore te ede n konprann enpòtans fondal natal lang kreyòl la pou lakay, ann Ayiti tou

Art · Humanities · Physics · Theology · French Urban and Social Studies · Linguistic and Sociocultural Studies · Philosophy · Political and Social Issues

• The Haitian Americans

  Flore Zéphir•The Haitian Americans•2004

  Add to list